Mizoram chhunga Interior Designer te insuihkhawmna pawl — mumal zawka designing hna thawh.
Mizoram Interior Designer's Forum (MIDF) hi Mizoram chhunga Interior Designer te insuihkhawmna pawl niin ni 31.07.2022 khan din tan a ni a, a hmasa ber atan ni 24.9.2022 khan Aijal Club ah hruaitu thlanna leh MIDF meet vawi 1 na neih a ni a, hetah hian mi paruk kan thlang chhuaka, an ni kaihhruaina hnuaiah hian MIDF committee te inruatin hma lak chhoh tan nghal a ni.
MIDF hian kan eizawnna Interior Designing a kan huang chin humhalh ngai te, mumal zawka Designer te kan insuihkhawm nan te, client te nena kan thubuai hlabuai rem kawngah te, rate in ang tlang leh mumal zawka kan neih theih nan te leh kan designer puite chhiatni thatni a kan in tawiawmna tur kawngah te hma a la thin a ni.
